News in Hausa

Cire tallafin man fetur: Jihohi da Kananan Hukumomin Najeriya Zasu Samu kaso mai tsoka a watan Yuli

Published

1 year ago

July 22, 2023

Eric

Kwamitin raba KUDADEN hadaka na kasa zai raba kimanin naira tiriliyan 2 a watan Yuli, karo na farko a tarihi, a matsayin kason da matakai uku na gwamnati za su samu a matsayin rabon su,. Sakamakon cire tallafin man fetir da a ka yi.

Wannan dumbin kudi da, da ba a cire tallafin ba, zai salwanta a wancan 6angare a wata daya, yanzu zai tafi zuwa ga inganta rayuwar al’umma.

Gwamnatocin jihohi da na kananan hukumomi yanzu za su samu wadatattun kudi da za su biya albashin maaikatan su da Kuma ‘yan fansho. Gwamnatocin za su zama masu wadatar da zasu rage kar6i bashi, Kuma za su iya biyan mafi kankantar albashi Kuma su bayar da isassun kudaden da za a tabbatar da ci gaba a 6angarorin ilimi, lafiya da sifiri.

Duba da wannan, dole yanzu a saka Ido a Kan gwamnatocin jihohi da kananan hukumomi domin tabbatar da gaskiya da amana wajen gudanar da dukiyar al’umma. Gudanarwa ingantacciya tana da muhimmanci a matakin jihohi da kananan hukumomi.

Rahotanni sun nuna cewa daga wannan adadi na naira tiriliyan 2, kusan naira tiriliyan 1 za a rabawa matakan gwamnati guda 3, ragowar tiriliyan daya za a saka su a wani sabon asusu da za a Rika amfani da su wajen gudanar da ayyukan bai daya da zasu rage radadin da cire tallafin man fetir ya gadar wa da talakawa.

News in Hausa

Shin ko karfin siyasar ta Wike tasamu rauni?

Published

1 year ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

1 year ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

1 year ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.