News in Hausa

Atiku Ya Nemi Kotu da ta ayyana shi a matsayin Wanda ya Lashe Zaben Shugaban Kasa

Published

10 months ago

July 22, 2023

Eric

Dan takarar shugaban kasa na jam’iyyar PDP a zaben ranar 25 ga watan Fabrairu, Alhaji Atiku Abubakar, ya shaida wa kotun sauraron kararrakin zaben shugaban kasa (PEPC) da ta bayyana shi a matsayin wanda ya lashe zaben bisa la’akari da gabatar da karar da hukumar zabe mai zaman kanta ta kasa (INEC) ta yi na cewa ya lashe jihohi 21 a lokacin zaben.

Atiku, a jawabinsa na karshe a rubuce ta hannun lauyoyinsa, ya yi ikirarin cewa hukumar ba ta yi jayayya ba, ko janyewa, ko kuma ta yi ikirarin cewa an tafka kuskure wajen bayyana shi a matsayin wanda ya lashe zaben a jihohi 21 ba.
Hakazalika ya roki kotu da ta soke bayyana dan takarar jamiyyar APC Bola Tinubu da hukumar zabe tayi a matsayin wanda ya lashe zaben saboda ya kasa samun kashi daya bisa hudu na kuri’un da aka kada a babban birnin tarayya Abuja.

Dan takarar shugaban kasa na jam’iyyar Labour, Mista Peter Obi, shima ya yi tsokaci a kan irin wannan matsayi.

Ya kara da cewa sashe na 134(2) na kundin tsarin mulkin kasar ya fito karara kan batun samun akalla kashi 25 na kuri’u a babban birnin tarayya Abuja da jihohi 24 a matsayin sharadi na tsayawa takarar shugaban kasa a Najeriya.

News in Hausa

Shin ko karfin siyasar ta Wike tasamu rauni?

Published

7 months ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

8 months ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

8 months ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.