News in Hausa

Babban Lauya Femi Falana Zai Jagoranci Gurfanar da Ganduje

Published

3 years ago

July 22, 2023

Eric

Hukumar Yaki da Cin Hanci da Rashawa ta Jihar Kano, PCACC, ta bayyana cewa ta dauki hayar fitaccen lauyannan dan rajin kare hakkin bil’adama, Femi Falana (SAN), don ya taimaka wajen kalubalantar karar da tsohon gwamnan jihar, Abdullahi Umar Ganduje, ya shigar, na dakatar da binciken da hukumar ke yi kan bidiyon sa na karbar cin hancin dalar Amurka.

Lauyan hukumar Usman Fari ya bayyana hakan ne a ranar Juma’a bayan da kotu ta dage sauraron karar zuwa ranar 25 ga watan Yuli. Ya tabbar da cewa babban lauyan zai iso Jihar Kano kuma zai jagoranci sauran lauyoyin guda shida.

Dage shari’ar ya biyo bayan lauyan Ganduje, Basil Hemba da ya shaidawa kotun cewa suna bukatar karin lokaci domin amsa karar da hukumar ta shigar.

“ Lauyan hukumar Usman Fari ya shaidawa kafafen yada labarai cewa A ranar 25 ga watan Yuli, babban lauyan nan, Femi Falana (SAN) zai jagoranci lauyoyin a madadin mutane shida. Hukumar ta sa shi ya jagorance mu a kan lamarin kuma a shirye muke mu ci gaba da shari’ar,” Fari ya ce yayin da yake zantawa da manema labarai.

Aminiya ta tattaro cewa da safiyar Juma’a ne aka bukaci babban lauyan ya isa Kano domin ya jagoranci tawagar amma ya samu wasu kalubale da jirgin nasa.

Idan za a iya tunawa, tsohon gwamnan ya shigar da karar ne don neman “tabbatar da muhimman hakkokinsa na dan Adam na shari’a na gaskiya, na sirri da kuma na iyali” a gaban babbar kotun tarayya da ke Kano bayan da hukumar yaki da cin hanci da rashawa ta bayyana cewa ta gayyace shi da ya gurfana a gabanta domin amsa tambayoyi dangane da binciken da ta yi kan faifan bidiyo da aka yi zargin cewa yana cusa kudin dalar Amurka wanda ya jawo zargin da ake masa na karbar cin hanci da rashawa.

News in Hausa

Shin ko karfin siyasar ta Wike tasamu rauni?

Published

2 years ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

3 years ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

3 years ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.