News in Hausa

Ganduje Zai Zama Shugaban Jama’iyyar APC Na Kasa

Published

1 year ago

July 20, 2023

Eric

Tsohon Gwamnan jihar Kano Abdullahi Umar Ganduje na shirin zama shugaban jam’iyyar All Progressives Congress (APC) na kasa.

Sakamakon rikice-rikicen cikin gida da jam’iyyar APC ke fuskanta a jihohi da dama da ma a matakin kasa, shugaba Bola Tinubu na neman wanda ya cancanta, gogaggen hannu don sake fasalin jam’iyyar, a cewar wata majiya mai tushe daga fadar shugaban kasa.

A cewar majiyar, mai yiwuwa shugaban kasar ya zabi Ganduje ne saboda ya yi imanin cewa tsohon gwamnan yana da halayen da yake nema a matsayin shugaban jam’iyyar.

Jaridar Boss ta Hausa ta samu labarin cewa shugaban kasar ya aika da jakadu domin shawo kan tsohon Gwamna Ganduje, wanda tuni ake shirin nada shi minista.

Mutane uku na gwamnan jihar Imo, shugaban kungiyar gwamnonin ci gaba, gwamnan jihar Kwara, Abdulraham Abdulrasaq, da gwamnan jihar Ogun Dapo Abiodun, aka tura zuwa ga Ganduje.

Rahotanni sun bayyana cewa, tsohon Gwamnan ya amince da yin aiki domin amfanin jam’iyyar da kuma kasa baki daya.
Zamu iya tinawa tsohon Shugaban Jamiyyar ta APC Abdullahi Adamu ya sauka daga kujerarsa ta shugabancin jamiyyar kwanaki kadan da suka gabata.

News in Hausa

Shin ko karfin siyasar ta Wike tasamu rauni?

Published

1 year ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

1 year ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

1 year ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.