News in Hausa

APC NEC ta amince da nadin Ganduje a matsayin shugaba a yau

Published

1 year ago

August 3, 2023

Eric

Jam’iyyar APC ta kasa ta kammala shirye-shiryen ayyana matsayarsu akan tsohon gwamnan jihar Kano Abdullahi Ganduje a matsayin shugaban majalisar gudanarwa ta kasa.

Ana sa ran amincewa da nadin Ganduje a matsayin shugaban jam’iyyar na kasa tare da nadin kakakin majalisar dattawa ta 9, Sanata Ajibola Basiru, a matsayin sakatare na kasa a taron majalisar zartaswar jam’iyyar (NEC) da aka yi a Transcorp Hilton, Abuja.

An tattaro cewa, a taron da suka yi a fadar shugaban kasa a daren jiya, kungiyar gwamnonin jam’iyyar ta kasa ta umurci shugabannin jam’iyyar da su tsara hanyoyin da za su kawar da duk wasu matsalolin da doka ta tanada da ke kawo cikas ga karbar tsohon gwamnan a matsayin shugaban jam’iyyar na kasa.

A cewar majiyoyi, kwamitin da ke karkashin jagorancin shugaban jam’iyyar, Bola Tinubu, ya ce suna sane da wasu matsaloli na doka da tsarin mulki, wadanda ka iya zama tarnaki wajen tabbatar da shugabancin Ganduje.

Daga nan ne aka kara ba da umarnin kawar da irin wadannan matsalolin da ka iya kai ga daukar matakin shari’a a kan shugabancin Ganduje.

A yau ne ake sa ran Ganduje zai karbi ragamar shugabancin jam’iyyar a yayin taron kwamitin zartarwa na jam’iyyar na kasa idan har ‘yan majalisar sun gudanar da aikin a daren jiya.

News in Hausa

Shin ko karfin siyasar ta Wike tasamu rauni?

Published

12 months ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

1 year ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

1 year ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.