News in Hausa

Ganduje ya zama shugaban jam’iyyar APC na kasa

Published

2 months ago

August 3, 2023

Eric

Tsohon gwamnan jihar Kano Abdullahi Ganduje ya zama sabon shugaban jam’iyyar APC na kasa.

An zabe shi ne a taron kwamitin zartaswa na kasa karo na 12 da aka gudanar a Abuja.

Nadin na tsohon gwamnan Kano Ganduje ya biyo bayan murabus din Sanata Abdullahi Adamu ne a watan jiya. Jaridar Boss Newspapers ta samu labari cewa Shugaba Bola Tinubu ne ya nuna sha’awar Ganduje ya gaji Adamu. Haka kuma, jamiyyar ta APC ta tabbatar da Sanata Ajibola Bashiru, tsohon kakakin majalisar dattawa, a matsayin sakataren jam’iyyar na kasa.

Taron na NEC ya shaida halartar mataimakin shugaban kasa, Kashim Shettima, da gwamnoni da dama, da manyan jiga-jigan jam’iyyar tare da shugaba Bola Ahmed Tinubu.

News in Hausa

Kotu za ta yanke hukunci a kan zaben gwamnan Kaduna

Published

3 days ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

5 days ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.

News in Hausa

Gwamnan Kano Yusuf Na Jamiyyar NNPP Ya Daukaka Kara

Published

7 days ago

September 24, 2023

Eric

Gwamnan Jihar Kano, Alh Abba Kabir Yusuf da jamiyyar NNPP sun tafi kotun daukaka kara dake Kaduna domin daukakak kara kan hukuncin da kotun sauraren Korafe-Korafen Zaben gwamna a Jihar Kano ta Yanke a Bisa Kuskure.

Jaridar Boss ta tattaro bayani cewa gwamnatin Kano ta hayo manyan lauyoyi da zasu tsaya Mata a Kotun daukaka Kara da ke Kaduna.

Ga Jerin Gogaggun lauyoyin Masu Rike da Mukamin SAN ( Senior Advocate of Nigeria) Har Guda BAKWAI (7), Ga Jerin Sunayen Su Nan Akasa.

1. Chief Awomolo (SAN)
2. Chief John Beisha (SAN)
3. Chief Lawan Rabbana (SAN)
4. A . J Owonikoko (SAN)
5. Akomolafe (SAN)
6. Abdulhamid Muhammed (SAN)
7. Eyitayo Fatogun (SAN)