Tsohon mataimakin shugaban kasa Atiku Abubakar; Gwamnan jihar Edo, Godwin Obaseki, da takwaransa na jihar Bauchi, Bala Mohammed, na daga cikin jiga-jigan jam’iyyar PDP a halin yanzu da suka hallara a dakin taro na gwamnatin Bauchi, Asokoro, Abuja domin taron masu ruwa da tsaki na jam’iyyar.
Taron dai na zuwa ne a daidai lokacin da aka gudanar da irin wannan taro a makwanni biyun da suka gabata a gidan tsohon Ministan Harkokin Waje Tom Ikimi a Abuja. Haka kuma a wurin taron akwai Gwamna Ahmadu Fintiri (Adamawa) da Sheriff Oborevwori na jihar Delta.
