News in Hausa

Juyin mulkin Nijer: Tinubu ya tura wasika zuwa majalisar dattawa

Published

1 year ago

August 4, 2023

Eric

Shugaba Bola Tinubu ya aike da wasika ga majalisar dattawan kasar, inda ya nemi amincewar daukar matakin soji da sauran takunkumi kan jami’an sojin da sukayi juyin mulki a Nijar. Shugaban majalisar dattijai, Godswill Akpabio, ya karanta wasikar a zaman majalisar dattawan na yau Juma’a. Wasikar ta ce, “Baya ga abin takaici da yafaru a siyasar jamhuriyar Nijar da ya kai ga hambarar da shugabanta, kungiyar ECOWAS karkashin jagorancina ta yi Allah-wadai da juyin mulkin baki daya tare da kuduri aniyar neman dawo da zababben gwamnatin da aka zaba. A wani yunkuri na maido da zaman lafiya, ECOWAS ta kira taro tare da fitar da sanarwar kamar haka.

“Rufewa da sanya ido kan iyakokin Najeriya da Jamhuriyar Nijar.

”Katse wutar lantarki ga Jamhuriyar Nijar.

“Nemo tallafin ƙasashen duniya don aiwatar da duk matakan da ECOWAS ta dauka.

“Hana gudanar da zirga-zirgar jiragen sama na kasuwanci da na musamman a ciki da wajen Jamhuriyar Nijar.

“Katange kayayyakin da ake jigilarsu zuwa Nijar musamman daga Legas da tashoshin ruwa na gabas.

“Wayar da kan ‘yan Najeriya akan muhimmancin wadannan matakai da Najeriya ta dauka, musamman ta kafafen sada zumunta.

“Tura gaggun sojojin Najeriya da jami’ai don tilasta bin ka’idojin.”

News in Hausa

Shin ko karfin siyasar ta Wike tasamu rauni?

Published

11 months ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

1 year ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

1 year ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.