News in Hausa

Masu Zanga zanga sunyi yunkurin shiga cikin majalisar dattawa

Published

3 years ago

August 2, 2023

Eric

Zanga-zangar da kungiyar kwadago ta shirya a yau Laraba ta nuna adawa ga manufofin gwamnatin shugaban kasa Bola Tinubu musamman kan janye tallafin man fetur na kara zafi yayin da masu zanga-zangar a yau Laraba, da safe suka fasa kofar farko na harabar majalisar dokokin kasar tare da yunkurin shiga harabar. Daga bisani kuma aka koma kofar dakin taro na biyu na Majalisar. Kungiyoyin kwadagon da suka hada da Nigerian Labour Congress (NLC), Trade Union Congress (TUC) da sauran kungiyoyinsu, a yau, sun fara wata zanga-zanga a babban birnin tarayya Abuja (FCT), da sauran jihohin tarayyar da suka hada da Legas, Abia, Plateau, Kaduna, Kano, Rivers, Zamfara, Katsina, Cross River, Ebonyi, Enugu, Kwara, Ogun, Imo, Ondo, da Edo.

Masu zanga-zangar a daruruwansu sun yi taro a wurin taron Unity Fountain daga inda suka yi tattaki zuwa dakin taro na NASS. Ana sa ran shugaban majalisar dattawa Godswill Akpabio zai yi jawabi ga masu zanga-zangar gabanin tantance sunayen ministocin da za a yi a yau.

News in Hausa

Shin ko karfin siyasar ta Wike tasamu rauni?

Published

3 years ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

3 years ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

3 years ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.