News in Hausa

Tsohon dan takarar shugaban kasa ya soki ingancin Sabbin ministoci

Published

3 years ago

August 4, 2023

Eric

Tsohon dan takarar shugaban kasa Yabagi Sani ya caccaki shugaba Tinubu kan ingancin sabbin ministoci da ya zaba, inda ya zargeshi da dawo da mutanan da yan Najeriya suka ki amincewa dasu a fagen zabe don su mulkesu ta bayan fage a matsayin ministoci.

A tattaunawar sa da gidan talabijin na channels, yace:

“Na ji takaici kwarai saboda Shugaba Tinubu yana nuna halaye dabam da yadda nake tsammaninsa, ‘yan Najeriya na cewa sake dawo da mutanan da al’umar Najeriya basu amunta da su ba ba abin da ya kamata Shugaba Tinubu ya yi bane. Da yawa daga cikin mutanen da ya sanya a matsayin ministoci mutane basu karbesu ba. Ta yaya za ku dawo da su ta bayan gida ku ce dole ne su jagoranci jama’a? Wannan bashi ne tsarin da duk dan Najeriya mai so cigaba keso a tafi a kai ba.”
Yabagi Sani, shi ne Shugaban kungiyar IPAC na kasa.

News in Hausa

Shin ko karfin siyasar ta Wike tasamu rauni?

Published

3 years ago

October 31, 2023

Eric

A cikin dama guda daya da Gwamnan Ribas Siminalaya Fubara ya samu:

1. Ya kori shugaban ma’aikata na fadar Gwamnatin jihar, wanda Wike ne ya nada shi.

2. Ya cire dukkan shugabannin kananan hukumomi guda ashirin da uku ba jihar baki daya, wanda duk Wike ne ya kawo su.

3. Ya rushe majalisar zartarwar jihar, wadda ta kunshi Kwamishinoni, wanda fiye da rabinsu Wike ne ya kawo su.

4. Ya canja Kakakin Majalisar dokokin jihar wanda shima Wike ne ya kawo shi.

5. Ya dakatar da babban jojin jihar wanda shima Wike ne ya kawo shi.

Wannan karamin misali ne na irin karfin da kujerar Gwamna ta ke da shi a Najeriya. Wike ya manta duk abinda yake yi saboda yana rike da kujerar Gwamnan ne, yau damar da ya samu yayi abinda yaga dama ita wani ya samu ya lalata masa siyasa cikin kankanin lokaci.

Wike ya tarawa kansa abokan fada da yawa, kuma ba zai iya ba. Domin da alama Sim Fubara ya kawo karshen tasirin da Wike yake ganin yana da shi a siyasar Najeriya. Kama-ta-dinu tu-danu.

News in Hausa

Kotu za ta yanke hukunci a kan zaben gwamnan Kaduna

Published

3 years ago

September 28, 2023

Eric

Kotun sauraron kararrakin zaben gwamna da ke jihar Kaduna za ta yanke hukunci a yau Alhamis 28 ga Satumba, 2023.
Jaridar The Boss ta samu labarin cewa kotun zata zartar da hukuncinta ne ta hanyar Zoom, a inda zata ayyana hukunci kan karar da jam’iyyar PDP da dan takararta, Isah Mohammed Ashiru Kudan suka gabatar a gabanta na neman korar Uba Sani a matsayin gwamnan jihar. Sani ya kasance dan takarar jam’iyyar All Progressives Congress (APC) a lokacin zaben.
Jaridar The Boss zata kawo cikakkun bayanai daga baya…

News in Hausa

Kungiyar Kwadago Zata Shiga Yajin Aikin Sai Baba Tagani

Published

3 years ago

September 26, 2023

Eric

Kungiyoyin kwadago na NLC da TUC ta sanar da kudirinda na shiga aikin sai baba tagani a ranar Talata mai zuwa 3 ga watan Oktoba 2023. Hakan ya biyo bayan zaman tattaunawa da shugabannin kungiyoyin sukayi a yau Talata a Abuja.
Daya daga cikin korafin kungiyoyin nada alaka da halin tsananin wahala da yan Najeriya suke ciki, da kuma gazawar gwamnatin tarayya bisa alkawarin kawo tsare-tsare na rage radadi ga al’umma.